التخطي إلى المحتوى

فزورة أنا مين.. خرجت لنا من صندوق الدنيا عشان تحلى أيامنا فى رمضان

فزورة أنا مين.. خرجت لنا من صندوق الدنيا عشان تحلى أيامنا فى رمضان

فزورة أنا مين

يقدم “اليوم السابع” على مدار شهر رمضان فزورة بعنوان “أنا مين”، عن نجم من نجوم زمان عبارة عن معلومات من حياته ومسيرته، وذلك من خلال تليفزيون “اليوم السابع”، ونتلقى إجابتكم على حل الفزورة، التي تذاع يوم الاثنين والأربعاء والجمعة طوال شهر رمضان الجارى.

فزورة اليوم عن الفراشة اللي أصلها  سوري ارماني، اختها الكبيرة اتعرفت بمعجزة السينما المصرية  “وهي طفلة” و بنت عمتها الفنانة الكبيرة “لا مش هقولك اسمها” تعالى نكمل الفزورة.

ظهرت علي الشاشة وطلعت من صندوق الدنيا وهي عندها 3 سنين ميكس الفن والحب والاهتمام في بداية حياتها كان وراه المخرج الكبير  حسام الدين مصطفي واتجوزت بعده 4 مرات.

مافيش لقاء تلفزيوني يعدي إلا وبتتكلم عن الفوازير أصل دي حتتها ولمع نجمها فيها لما عرض عليها المخرج فهمي عبد الحميد إنها تقدم معاه برنامج اسمه.

وبعدها بسنة بقت نجمة الصف الأول في الفوازير وفضلت كده سنين كتيرة ودي اللي كان يتقال عليها الملكة بصوت صفصف أصلها قدمت 9 فوازير كانت بتجوز فيهم البنات وبتحب الورق أوي.

الفزورة مكنتش بتنيمها الليل، وعلشان تعمل فزورة 6 ثواني كانت بتفضل 12 ساعة في المونتاج بس هنقول إيه. كل دا فدا جمهورها اللى كان بيستناها كل رمضان واللي لسه مشتاق لطلتها اللى اتحرم منها سنين  ولما كانت بتتسأل عن سبب اختفاء الفوازير  قالت أن آخر سنة ليا في الفوازير كانت كويسة قلت أسيبها وهي كويسة. بس ياترى هي راحت فين واعتزلت بجد ولا ممكن تفاجئنا وتطل علينا تاني؟

هسيبك انت بقي تقولنا هي مين ؟ وراحت فين ؟ وإيه أكتر أعمال حبيتها ليها وتوتة توتة خلصت الفزورة.

فزورة أنا مين.. خرجت لنا من صندوق الدنيا عشان تحلى أيامنا فى رمضان

مصدر الخبر