التخطي إلى المحتوى

أذكى طفل في إمبراطورية ميم.. آدم: نور النبوى بيشجعنى وماحسيتش إني بمثل

أذكى طفل في إمبراطورية ميم.. آدم: نور النبوى بيشجعنى وماحسيتش إني بمثل

الطفل أدم وهدان

آدم وهدان اسم تردد كثيرًا فى أشهر الأعمال الدرامية والأفلام السينمائية، فبدأ مشواره الفنى وهو عمره 4 سنوات ودخل قلوبنا بأدواره المختلفة التى أتقنها باحترافية رغم صغر سنه، آدم يبلغ من العمر 11 عامًا وتم ترشيحه للدور في مسلسل إمبراطورية ميم من خلال المخرج محمد سلامة.

وقال آدم لـ”اليوم السابع”: أنا مبسوط جدًا بمشاركتى فى إمبراطورية ميم مع كل النجوم دى وخصوصًا النجم خالد النبوى وإنى عملت دور ابنه مازن الطفل العبقرى الرزين وليه كاركتر وشخصية مختلفة عن كل الأدوار اللى عملتها قبل كده، ولما اتعرض عليا الدور اتبسطت بيه جدًا وقصة الفيلم كمان عجبانى لأنى شوفت فيلم إمبراطورية ميم قبل كده وكنت عارف إن فيه اختلاف فى الأحداث بس القصة نفسها حلوة أوى”.

وتابع: “رغم إن المشاهد كانت طويلة جدًا أثناء التصوير لكن كنت مستمتع وفرحان بالأجواء وكان فيه مواقف كتير حلوة، ونور النبوى كان دايمًا بيشجعنى وكنت بحس دايمًا إنهم أخواتى وإن إحنا مش بنمثل ولا حاجة لدرجة إن بعض المشاهد كانت طبيعية جدًا، أنا مش متخيل إن التصوير ممكن  يخلص أنا خلاص حاسس إنهم اخواتى ومش قادر أبعد عنهم “.

مسلسل إمبراطورية ميم يعرض فى موسم دراما رمضان 2024، ويتناول قضايا اجتماعية متنوعة، حول مختار أبو المجد، الذى يجد نفسه في حيرة كبيرة، حيث يجب أن يختار بين الانسانة التي يكن لها مشاعر الحب وبين أبنائه الستة الذين تولى مسؤولية تربيتهم بعد وفاة زوجته.

 

 

3907c9a5-b089-4328-8040-c81c83d3e820
 
9f638cce-5ba8-43f7-82d7-6fbe8ff92ce8
 
 
 
 
 
c0ba77b7-bcd0-4724-a9e6-a35132a2d77f
 
 
 
2a40e238-b519-4e38-b33a-ec23c61acf26
 
 
 
 
b6177dee-352e-402a-9063-5c5fed8d8c40

 
 

 

أذكى طفل في إمبراطورية ميم.. آدم: نور النبوى بيشجعنى وماحسيتش إني بمثل

مصدر الخبر